Vazhdojnë operacionet e opozitarëve, vriten në Halep 20 ushtarë të regjimit

15 Gusht 2016 - 13:27      

Halep, 15 gusht - Në një operacion të ndërmarrë nga njësitë e lidhura me ushtrinë opozitare Fetih në Siri kundër një fabrike e cila përdorej nga forcat e Asadit si bazë në juglindje të qytetit Halep, njoftohet se janë vrarë 20 ushtarë të regjimit bashkë me komandantin e nivelit të lartë të Hizbullahut në terren, raporton AA.

Sipas informacioneve të marra nga burimet lokale, mësohet se njësitë e lidhura me ushtrinë opozitare Fetih në fazën e katërt të operacionit për të thyer rrethimin e Halepit kanë kryer një operacion në një fabrikë çimentoje e cila përdorej nga forcat e Asadit si bazë në juglindje të qytetit Halep.

Si rezultat i operacionit është marrë nën kontroll një pjesë e madhe e fabrikës si dhe në konfliktet e armatosura janë vrarë 20 ushtarë të regjimit bashkë me komandantin e nivelit të lartë të Hizbullahut në terren.