Të rinjtë serbë thonë se Daçiq nuk ka lëvizur nga politikat e Millosheviqit

14 Gusht 2016 - 14:41      

Të rinjtë e Socialdemokrat të Serbisë kanë reaguar pas deklaratave të djeshme të zëvendëskryeministrit dhe ministrit të Jashtëm të Serbisë, Ivica Daçiq se Haga ka dëshmuar që Millosheviqi dhe Serbia nuk janë fajtore, duke e bazur këtë deklaratë në gjykimin e kriminelit Radovan Karaxhiq.

Të rinjtë serbë i kanë bërë thirrje Daçiqit që mos të mohojë politikën kriminale të kryekriminelit serb, Sllobodan Millosheviq, transmeton Koha.net.

“Ne e konsiderojme krejtësisht të papërshtatshme deklaratën e fundit të Daçiqit në lidhje me aktgjykimin e shkallës së parë të Radovan Karaxhiqit, duke konfirmuar se Daçiq nuk ka lëvizur shumë nga politikat nacionaliste të Millosheviqit”, kanë thënë këta të rinj.

Ajo politikë, sipas këtyre të rinjve, ka çuar në shkelje masive të të drejtave të njeriut dhe shkaktimin e mijërave viktimave të luftës.

© KOHA. Të gjitha të drejtat janë të rezervuara.