Serbia me qeveri të re, Kosova pjesë e betimit [lista e ministrave]

11 Gusht 2016 - 19:29      

Serbia nga sot ka qeverinë e re. Në krye me kryeministrin Aleksandër Vuçiq, ajo ka marrë konfirmimin nga Kuvendi i Serbisë me 163 vota PRO dhe 63 KUNDËR.

Gjatë betimit të kësaj qeverie, u përmend edhe Kosova, transmeton Koha.net.

“Betohem për besnikëri ndaj Republikës së Serbisë dhe zotohem se me nder do ta respektojë Kushtetutën dhe ligjin, që detyrën e anëtarit të Qeverisë do ta kryej me përgjegjësi, ndërgjegje dhe do të jem i përkushtuar për ruajtjen e Kosovës dhe Metohisë brenda Republikës së Serbisë”, ishte pjesa e betimit mbi të cilin qeveritarët e rinj të Serbisë do të punojnë.

Më poshtë janë të gjithë ministrat e rinj të Serbisë:

1. Aleksandër Vuçiq – kryeministër
2. Ivica Daçiq - zëvendëskryeministër i parë dhe ministër i Punëve të Jashtme
3. Nebojsha Stefanoviq – zëvendëskryeministër dhe ministër i Punëve të Brendshme
4. Zorana Mihajloviq – zëvendëskryeministre dhe ministre e Ndërtimit, Transportit dhe Infrastrukturës
5. Rasim Ljajiq – zëvendëskryeministër dhe ministër i Tregtisë, Turizmit dhe Telekomunikacionit
6. Dushan Vujoviq – ministër i Financave
7. Goran Knezheviq – ministër i Ekonomisë
8. Branislav Nedimoviq – ministër i Bujqësisë dhe Mbrojtjes së Mjedisit
9. Nela Kuburoviq – ministre e Drejtësisë
10. Ana Bërnabiq – ministre e Administratës Shtetërore dhe Vetëqeverisjes Lokale
11. Zoran Xhorxheviq – ministër i Mbrojtjes
12. Aleksandër Antiq – ministër i Minierave dhe Energjisë
13. Mladen Sharqeviq – ministër për Arsim dhe Shkencë
14. Zlatibor Lonçar – ministër i Shëndetësisë
15. Aleksandër Vulin – ministër i Punës dhe Punësimit
16. Vanja Udovçiq – ministër për Rini e Sport
17. Vladan Vukosavljeviq – ministër për Kulturë dhe Informim
18. Jadranka Joksimoviq – ministre pa portofol
19. Slavica Xhukiq Dejanoviq – ministre pa portofol

© KOHA. Të gjitha të drejtat janë të rezervuara.