Vietnami dërgon raketahedhës në Detin e kontestuar të Kinës

10 Gusht 2016 - 15:40      

Vietnami ka forcuar shumë mbrojtjen nga ishujt e tij në detin e kontestuar kinezë. Atje, sipas burimeve perëndimore, ka dërguar raketahedhës, që janë të aftë të sulmojnë në Kinë instalimet e ushtrisë së saj dhe rrugët jetike të tregtisë së këtij vendi, transmeton koha.net.

Diplomatët dhe zyrtarët ushtarakë kanë thënë për Reuters se shërbimet inteligjente kanë treguar se Hanoi ka dërguar raketahedhës nga Vietnami në pesë bazat e tyre në ishujt Spratly, gjatë muajve të fundit, lëvizje kjo që pritet t’i rrisë tensionet me Pekinin.

Raketahedhësit janë fshehur nga mbikëqyrja ajrore dhe ende nuk janë të armatosura, por mund të bëhen funksionale me artileri brenda dy apo tre ditëve.

Ndërsa Ministria e Jashtme Vietnameze ka thënë se informacionet ishin “të pasakta”, por pa dhënë detaje të tjera.

Analistët ushtarakë kanë thënë se kjo është lëvizja më e rëndësishme mbrojtëse që Vietnam ka bërë gjatë dekadave të fundit në Detin Kinezë.

© KOHA