Punëtorja humanitare britaniko-iraniane u paraqit para gjykatës

3 Gusht 2016 - 12:46      

Punëtorja humanitare britaniko-iraniane, Nazanin Zaghari-Ratcliffe, e cila është e arrestuar prej fillimit të muajit prill në Iran, e akuzuar për përpjekje për përmbysjen e qeverisë së këtij vendi, është paraqitur për të parën herë në Gjykatën Revolucionare të Teheranit, ka thënë dje familja e saj.

Bashkësohtri i saj, Richard Ratcliffe, i ka hedhur poshtë akuzat se ajo ka synuar “përmbysje të butë” të qeverisë.

Punëtorja humanitare, Zaghari-Ratcliffe, ishte arrestuar derisa përpiqej të largohej nga Irani, pas një vizite të shkurtër, së bashku me vajzën e saj dyvjeçare.

Familja e saj tha se ajo pardje ishte paraqitur në gjykatën famëkeqe të Teheranit, që merret me rastet e ndërlidhura me siguri.

“Kur fola me të, ajo ishte thellësisht e shqetësuar”, i tha agjencisë Reuters bashkëshorti i saj.

“Ajo është e brengosur se vajza jonë është mbajtur larg nga prindërit për katër muaj”, tha Ratcliffe, duke shtuar se “ky rast mbetet shumë mizor”.

Të akuzuarës Zaghari-Ratcliffe, 37 vjeçare, që punon për shoqatën bëmirëse, Thomson Reuters Fundation, i është lejuar avokati.

Ky fondacion tha se nuk ka bisedime me Iranin për këtë rast.