Kleriku 60-vjeçar i martuar me vajzën 6 vjeçe, arrestohet

31 Korrik 2016 - 15:45      

Mohamed Karim, rreth 60 vjeç u ndalua në provincën e Ghor nga autoritetet në Afganistan, pasi ishte martuar me një vajzë 6 vjeçe. Përpara policëve, ai tha se vajzën ia kishin dhënë prindërit e saj si “sakrificë fetare”.

Por ndryshe nga deklarata e klerikut, prindërit e vajzës janë shprehur të tronditur dhe thanë se 6-vjeçarja është rrëmbyer. Kreu i Departamentit për Çështjet e Grave në Ghor, Masoom Anwari tha se vajza e vogël thekson shpesh se ka frikë nga burri i moshuar.

E mitura mësohet se është nën kujdesin e autoriteteve dhe pritet që t’i dorëzohet prindërve të saj, ndërsa kleriku është lënë në burg. Arrestimi i Karim vjen vetëm pak ditë pasi një vajzë 14 – vjeçare shtatzënë u dogj për së gjalli në Ghor, ngjarje kjo që tronditi Afganistanin.

Familjarët e vajzës 14-vjeçare, Zahras thanë se adoleshentja u torturua dhe u vra nga njerëzit e bashkëshortit të saj. Në Afganistan, mbetet problem i madh martesa me fëmijë.