Nokia do të riprodhojë Nokia 3310

14 Shkurt 2017 - 17:49      

Nokia 3310, fillimisht është lansuar për të shënuar mijëvjeçarin dhe në shumë mënyra ka nisur fillimin e telefonave modernë nga ai, ndërsa tani si duket do të rikthehet, transmeton koha.net.

HMD Global, kompania që bleu të drejtat e markës Nokia, për gjithë nostalgjikët dhe dashamirësit e këtij telefoni ka përgatitur një surprizë, një version të ri të 3310 që do të prezantohet në eventin mobile në Barcelonë dhe çmimi i tij do të jetë 59 euro, raporton unilad.

Nuk ka shumë informacione për pajisjen, por thuhet se mund të jetë një smartphon, apo një telefon klasik, pra për telefonata, mesazhe dhe një bateri të fortë që zgjat për ditë të tëra.

Versioni modern i kësaj legjende të pathyeshme për shumicën e përdoruesve mund të shërbejë dhe si një telefon shtesë kur bateria e smartphonëve ende me vështirësi mund ta përballojë një ditë pune.

© KOHA. Të gjitha të drejtat janë të rezervuara.