Konfirmohen specifikat e Huawei P10 Lite

1 Shkurt 2017 - 14:27      

Në mesin e shumë smartfonëve “Lite” që Huawei dhe Honor planifikojnë t’i lansojnë në muajt e ardhshëm, njëri nga ta duhet të jetë më i mirë sa i përket specifikave, pra P10 Lite.

Huawei P10 Lite ende nuk është paralajmëruar zyrtarisht, por raportet në lidhje me të janë shfaqur javën e kaluar, raporton Phone Arena.

Në fillim të këtij muaji, është certifikuar një telefon i Huaweit me numër të modelit WAS-AL00 nga TENAA, autoriteti rregullativ kinez, transmeton Koha.net. Ndër specifikat e këtij telefoni që janë shfaqur përfshin procesorin 2.1 GHz Kirin me tetë bërthama, 4 gigabajt RAM memorie dhe 64 gigabajt memorie të brendshme.

Ndërsa tani, një tjetër pajisje e paparalajmëruar me numër të modelit WAS-LX1A është shfaqur në uebfaqen e njohur Geekbench. Edhe pse numrat e modeleve janë të ndryshme, këta dy smartfonë kanë disa specifika të njëjta.

Për shembull, smartfoni i ri i shfaqur vjen me procesor 1.7 GHz Kirin 655 me tetë bërthama e 4 gigabajt RAM memorie. Po ashtu, punon me sistemin operativ Android 7.0 Nougat, ndërsa pjesa tjetër e specifikave të këtij smartfoni ende mbeten nuk janë zbuluar.

© KOHA