Transmetimi direkt i inaugurimit të Trumpit thyen rekord

25 Janar 2017 - 18:10      

Inaugurimi i presidentit amerikan Donald Trump ka qenë ngjarja më e shikuar e online e transmetuar deri më sot, sugjerojnë analistët, raporton BBC.

Pika kulminante është rekordi 8.7 Tbps (terabajt për sekondë) e transmetimit të videos, sipas kompanisë amerikane për ofrimin e rrjetit, Akamai Technologies.

Rekordi i mëparshëm ishte 7.5 Tbps i vendosur gjatë mbulimi të zgjedhjeve në Amerikë, më 8 nëntor 2016, transmeton Koha.net.

Këto shifra pasqyrojnë popullaritetin në rritje të transmetimit online. Në Amerikë, 31 milionë njerëz e shikuan inaugurimin e Trumpit në televizion, në krahasim me 38 milionë sa e shikuan Obaman më 2009.

Megjithatë, transmetimi online i inaugurimit të Obamas kishte arritur vetëm 1.1 Tbps.

Akamai Technologies ka analizuar gjithashtu edhe ngjarjet të ndryshme si kampionatin e futbollit “Euro 2016”, që kishte arritur në 7.3 Tbps, dhe Lojërat Olimpike “Rio 2016” me transmetimin e finales së femrave në gjimnastikë që kishte arritur 4.5 Tbps.

Rritja e qasjes në telefona, përmirësimi i shpejtësisë së internetit dhe integrimi i videove brenda faqeve si Twitter e Facebook ka përmirësuar qasjen në ngjarjet që transmetohen direkt.

Gjithashtu edhe Twitter ka thënë se ceremonia e Trumpit ka thyer rekordin e “live video streaming”, me pothuajse shtatë milionë njerëz që kanë shikuar në këtë rrjet social.

Rob Owers, kreu i partneriteteve të lajmeve në Twitter, ka thënë BBC se platforma ka pasur një rritje të përgjithshme në shikueshmëri të “live video”.

“Kërkesa për të pasur qasje të menjëhershme, dhe përhapja e telefonave do të se jemi më të lidhur se kurrë, dhe transmetimi direkt është padyshim në qendër të kësaj”, është shprehur ai.

“Njerëzit po mësohen me faktin se kudo që janë, nuk ka asnjë arsye që ata duhet të humbasin lajmet apo ngjarjet e rëndësishme”, ka thënë ai.

© KOHA