Kina nuk dëshiron të lejojë Pokemon Go më në territorin e saj për shkaqe sigurie të lojtarëve

10 Janar 2017 - 17:12      

Nintendo me lojën e saj për smartfonë, Pokemon Go ka bërë bujë të madhe në të gjithë botën, por Kina nuk dëshiron që ta lejojë atë në vendin e saj, pasi ky shtet e ka ndaluar atë deri kur rreziqet potenciale të eliminohen, transmeton koha.net.

Loja më e madhe online në tregun e smartfonëve, që është me bazë në SHBA, ka bërë bujë të madhe kur u lansua në vitin e kaluar, duke thyer shumë rekorde.

Në këtë lojë, lojtarët duhet të ecin në jetën reale rreth lagjeve për të ndjekur e kapur karaktere virtuale me smartfonët e tyre.
Por Pokemon Go është akuzuar për aksidente rrugore, disa me fatalitet, duke përfshirë lojtarët të hutuar e që ka shkaktuar shumë polemika për lejimin e tij apo jo në shumë shtetet e botës, ndërsa Kina e ka ndaluar atë, transmeton koha.net.

Rreziku që përfshihet mbi këtë lojë është edhe “rreziku gjeografik i informacioneve të sigurisë dhe kërcënimin për sigurinë personale të konsumatorëve”, ka thënë një panel për lojërat Audio-video në Kinë, për të ndaluar këtë lojë.

Kjo lojë mbështetet në shërbimin e Google si aplikacioni i hartave, Maps, i cili është i ndaluar në Kinë.

© KOHA