Sllovenët shesin aksionet e aplikacionit “My Talking Tom”

6 Janar 2017 - 14:54      

Sllovenët më të pasur, çifti Iza dhe Samo Login, sipas informatave zyrtare kanë shitur pjesën e tyre të aksioneve në kompaninë “Outfit 7” kinezëve.

Prodhimi i tyre më i njohur është aplikacioni i suksesshëm për fëmijë “My Talking Tom”. Loginët pjesën e tyre ia shitën kompanisë kineze “Jeniang enterteinment”, e cila ishte edhe më herët e interesuar për këtë blerje.

Sipas informatave të revistës sllovene “Finance”, çmimi është 100 euro për aksion, me çfarë vlera e gjithë kompanisë është rreth 1 miliard euro. Sa për krahasim në listën e “Forbes” për më të pasurit, pronari i Agrokor, Ivica Todoriq është i rëndë 430 milionë euro.

Outfit 7 është themeluar në vitin 2009, selinë e ka në Londër dhe ka 14 filiale të kompanisë në Slloveni, Zvicër, Kore Jugore, Hong Kong, Kinë, SHBA dhe Qipro.

Talking Tom and Friends është aplikacioni më i popullarizuar. Macja e animuar Tom përsërit atë që thotë përdoruesi dhe ekzistojnë dy versione të kësaj loje, në të cilin shfrytëzuesit bëjnë rubikonin dhe shpijnë figurat e tyre nëpër pengesa.

Ky aplikacion ka 5 miliardë shkarkime dhe 300 milionë shfrytëzues aktivë në muaj, transmeton Koha.net.

Outfit 7 me kanalet e veta të YouTube ka 9 milionë abonues dhe përmbajtja e tyre është klikuar më shumë se 9 miliardë herë.

Kompania ka rreth 120 aksionarë, nga të cilët disa janë sllovenë në mesin e 100 më të pasurve. Outfit është e njohur me dhënien e dividentave ashtu që në vitin 2015 pronarëve u janë paguar 74 milionë euro ndërsa një vit më parë 40 milionë.

© KOHA