Amazon aplikon për krijimin e depos fluturuese

29 Dhjetor 2016 - 19:03      

Gjiganti i shitjeve online, Amazon ka aplikuar për patentën me të cilën do të fillojë krijimin e një depo fluturuese, e cila do të përbëhet nga disa dronë, përmes së cilëve do të bëhet shpërndarja e mallit në lokacionet kryesore.

Në formë të një balone, depot fluturuese do të vizitojnë vendet që Amazon ka kërkesa më të mëdha për mallra. Depoja do të përdoret vetëm për ngjarjet sportive apo festivale, në të cilat do të mund të shitej ushqim apo suvenire për shikuesit.

Përmes kësaj patente, Amazon synon të krijojë disa mjete fluturuese të cilat do të përdoren për mbushjen e depos, transmeton Koha.net.

Në dokumentet e patentës, Amazon planifikon që të përdorë një kombinim të dromëve dhe depove fluturuese. Këto depo do të mundësonin shpërndarjen më të shpejtë të mallrave sesa depot e vendosura në tokë.

Këto depo mund të fluturojnë deri në 14 mijë metra lartësi.

© KOHA