Hakerët marrin kontrollin e llogarisë së Netflix me 2.5 milionë ndjekës në Twitter

21 Dhjetor 2016 - 18:18      

Një grup hakerësh të vetëquajtur grup i sigurisë, ka marrë përgjegjësinë për hakimin e llogarisë së Netflix në Twitter, transmeton koha.net.

“Hej, është OurMine. Mos u brengosni, ne jemi vetëm duke testuar sigurinë tuaj, na kontaktoni për të ju treguar më shumë rreth kësaj”, ka shkruar grupi në llogarinë zyrtare të Netflix në Twitter.
Ky mesazh, së bashku me emailin e OurMine dhe logon është postuar për 2.5 milionë ndjekësit në Twitter të Netfix.

OurMine, kanë përshkruar vetën si grup i sigurisë white-hat, ndërsa kanë marrë përgjegjësinë për këtë hakim dhe kanë thënë se pjesëtarët e grupit “janë vetëm duke tentuar që të ndihmojnë sigurinë në botë”.

Hakerët white-hat e shohin vetën si njerëz të mirë të cilët zbulojnë të meta në siguri, dhe nuk përfitojnë nga ajo.
“Askush nuk është i sigurt nga Hakerët” kanë shtuar OurMine.
OurMine më parë kanë hakuar edhe llogarinë e drejtorit të Facebook, Mark Zuckemberg në Pinterest, e po të shefit të Google, Sundar Pichai në Quora.

© KOHA