Apple po teston mbi 10 prototipe të iPhone 8

28 Nëntor 2016 - 15:54      

Apple është duke testuar më shumë se 10 prototipe të iPhonit të ri që pritet të dalë në shitje në vitin tjetër, raporton Wall Street Journal.

Raportohet se disa nga këto prototipe mund të kenë dizajn të ri që përqendrohen rreth ekranit të lakuar, transmeton Koha.net.

Teknologjia që do të mundësonte ekranin e lakuar quhet OLED, e cila është një lloj i ri i ekranit që ka thellësi të zezë dhe konsum të ulët të energjisë.

Fakti që Apple ka nevojë për miliona ekrane OLED për vitin tjetër ka bërë që të rritet gara ndërmjet prodhuesve të tyre përfshirë këtu Samsungun, Ekranet LG, Sharp, dhe ekranet japoneze.

Wall Street Journal raporton se Samsungu do të mbulojë më shumti nevojat e ekraneve OLED të Apple.

Më 2017 thuhet se Apple do të sjellë tre modele të reja të iPhoneve.

© KOHA