Samsung mund të shesë Galaxy Note 7 të riprodhuar në mot

15 Nëntor 2016 - 22:34      

Samsung është dashur të marrë vendimin të vështirë për të tërhequr Galaxy Note 7 pas lansimit të tij, për shkak se eksplodonin nga bateria, e që as rregullimi nuk i shkoi mirë dhe, për këtë arsye, ndaloi prodhimin e tij, transmeton koha.net.

I gjithë ky debakël, ka dëmtuar reputacionin e Samsung e i ka kushtuar miliarda dollarë.
Sot një raportim interesant është publikuar në Korenë e Jugut, ku pretendohet se Samsung do të fillojë shitjen e Galaxy Note 7 të riprodhuar duke filluar nga viti i ardhshëm.

Burimi i tyre brenda kësaj kompanie, pohon edhe pse Samsung ende nuk e ka marrë vendimin final, se ata do të fillojnë të shesin njësi të riprodhuara në tregjet në zhvillim si India e Vietnami në fillim të vitit të ardhshëm.
Ky raportim nuk tregonte se si Samsung do të sigurojë që pajisjet e riprodhuara nuk do të eksplodojnë, transmeton koha.net.

Kjo nuk besohet edhe aq shumë nga mediet botërore, pasi siç thonë ata: Samsung nuk është edhe aq budalla sa ta bëjë këtë”, pasi ka marrë një goditje të madhe financiare nga ky skandal.

© KOHA. Të gjitha të drejtat janë të rezervuara.