Meizu lanson telefon të ri me specifika të veçantë [foto]

31 Tetor 2016 - 17:00      

Meizu ka lansuar telefonin e ri M5 me specifika të veçanta.

Meizu M5 vjen me ekran më të madh se m3s – 5.2-inç dhe me xham mbrojtës 2.5D, si dhe pjesa më e veçantë e tij është sensori për gishtërinj mTouch 2.1 i cili hap telefonin për 0.2 sekonda. Kjo nuk është keq për një telefon i cili kushton rreth 95 euro.

M5, po ashtu, vjen me procesor MediaTek MT6750, 2 gigabajt RAM memorie dhe 16 gigabajt memorie të brendshme ose 3 GB me 32 GB memorie të brendshme. Të dy versionet ofrojnë mbështetje për kartelën microSD. Versioni i dytë kushton rreth 215 euro.

Kamera kryesore prej 13 megapikselë në pjesën e pasme është e shpejtë sa sensori i gishtërinjve – autofokusi i saj Phase Detection mund të bëjë fotografi brenda 0.2 sekonda. Po ashtu ka edhe blicin e dyfishtë LED për të bërë foto natën si dhe kamera e përparme prej 5 megapikselë.

Meizu M5 është në dispozicion në pesë ngjyra – të zezë, të gjelbër, të kaltër, ari dhe të bardhë.

Gjithashtu, M5 vjen me bateri prej 3,070 mAh dhe punon me sistemin operativ Flyme UI, si dhe është në dispozicion për shitje që nga sot në Kinë,

Sa i përket disponueshmërisë së tij edhe në tregjet tjera, ende nuk ka ndonjë informacion.

© KOHA