Tani në Instagram mund të shihni “Storie” të të huajve

19 Tetor 2016 - 16:36      

Pavarësisht se mori shumë reagime të përziera për “kopjimin” që Instagrami i bëri me “Storie” Snapchatit, rrjeti social Instagram nuk ka në plan të bëjë asnjë kthim prapa.

Rrjeti social i kompanisë së Facebookut ka bërë një tjetër përditësim.

Tani përdoruesit do të kenë qasje që të shohin edhe “Storie” të përdoruesve tjerë të panjohur, vetëm duke hyrë në sektorin e “Kërkimeve”.

Kjo faqe zakonisht hap përmbajtje të përdoruesve që ju nuk i ndiqni, ndërsa tani kompania ka vendosur ta plotësojë akoma atë.

“Më shumë se 100 milionë njerëz e vizitojnë ‘Kërkime’ çdo ditë për të zbuluar foto dhe video të njerëzve që nuk i ndjekin. Seksioni i ri ‘Storie’ i vendosur mbi ‘Kërkime’ do të mbushet me ato që ju jeni të interesuar t’i shihni, njësoj sikurse edhe në të kaluarën që bëhej fotografitë e videot”, thuhet në një postim të kompanisë në blogun e vet.

Instagrami ka konfirmuar se ky përditësim mund të bëhet vetëm duke marrë versionin 9.5.0 e më të ri të aplikacionit.

© KOHA. Të gjitha të drejtat janë të rezervuara.