ZTE paralajmëron smartfon të ri nubia për javën e ardhshme

11 Tetor 2016 - 13:24      

Kompania ZTE ka paralajmëruar se do të mbajë një ngjarje më 17 tetor në Kinë, dhe me këtë rast pritet që kjo kompani të prezantojë smartfon të ri të nën-brendit nubia.

Saktësisht se cila pajise do të zbulohet ende është e paqartë, por raportohet se nubia Z11 mini është duke u bërë me pasardhës më të avancuar, transmeton Koha.net. Pasardhësi mund të quhet nubia Z11 mini S dhe mund të vijë me kamerë kryesore të dyfishtë.

Sa i përket detajeve tjera më të hollësishme, ende nuk janë zbuluar por mbetet vetëm të shihet deri në javën e ardhshme kur do të mbahet ngjarja.

Duket se java e ardhshme për prodhuesit kinez të smartfonëve do të jetë “tendencioze”. Kompania ZTE të hënë e ardhshme do të mbajë një ngjarje, Huawei të martë do të zbulojë smartfonin e ri Honor 6X, ndërsa të mërkurën Oppo do të prezantojë smartfonin e ri të shumëpërfolur, R9S.

© KOHA