Hakohen llogaritë e 68 milionë përdoruesve të Dropboxit, mund të shkarkohen falas online

4 Tetor 2016 - 18:11      

Më parë është raportuar që aplikacioni për ruajtjen e të dhënave online Dropbox është hakuar, ku hakerët kanë arritur që të vjedhin të dhënat e më shumë se 68 milionë përdoruesve, transmeton koha.net.

Por ky raportim nuk ka pasur fakte të mjaftueshme për këtë, megjithatë tani është konfirmuar, pasi hakerët të njohur si ‘TheRealDeal’, kanë vënë në shitje të dhënat e përdoruesve në Dark Web, për rreth 1200 dollarë.

Ndërsa së fundmi është zbuluar një hulumtues që ka ngarkuar të gjitha të dhënat e vjedhura në Dropboz online për t’u shkarkuar falas nga të gjithë.

Thomas White, i njohur online si ‘The Cthulhu’ ka ngarkuar të hënën të gjitha këto të dhëna të vjedhura nga Dropbox në ueb faqen e tij, ndërsa pretendon se këtë gjë e ka bërë për të ndihmuar hulumtuesit që të ekzaminojnë të dhënat e rrjedhura.
Kështu që, tani çdo kush mund të shkarkojë të dhënat e 68,680,741 përdoruesve të Dropbox, ku përfshihen email adresat dhe fjalëkalimet, krejtësisht falas, transmeton koha.net.

White është personi i cili më parë ka ngarkuar online të dhëna të shumë përdoruesve të rrjetit social Myspace e shumë të tjerave, të cilat shiteshin me para, falas.

Mënyra më e mirë për t’u mbrojtur nga ky sulm, është ndërrimi i menjëhershëm i fjalëkalimeve në Dropbox e edhe të llogarive të tjera ku e keni përdorur emalin e njëjtë.

© KOHA