Rikthehet në treg Galaxy Note 7

1 Tetor 2016 - 10:46      

Produkti më i shitur i Samsungut, Galaxy Note 7 u rikthye sot në treg në Korenë e Jugut, rreth një muaj pasi gjiganti elektronik u detyrua të tërheqë pajisjen në të gjithë botën për shkak të rrezikut se bateria e smartfonit shpërthente.

“Telefonat e rinj janë të pajisur me bateri të reja dhe do të jenë sërish në shitje në Evropë më 28 tetor”, tha një zëdhënës.

Samsungu tërhoqi smartfonat në fillim të muajit të kaluar, pasi pranoi se e ashtuquajtura tablet, që u lëshua fillimisht më 19 gusht dhe u shit në disa vende, mund të shpërthente në flakë ndërkohë që karikohej.

Disa kompani ajrore ua ndaluan pasagjerëve sjelljen e tyre (Galaxy Note 7 ) në bord.

Kompania tha se “2,5 milionë telefona ishin të prekur dhe u ofroi zëvendësim gjithë konsumatorëve, duke përfshirë edhe 1,4 milion konsumatorë në Korenë e Jugut dhe vetëm në Shtetet e Bashkuara të Amerikës”.

Autoritetet amerikane të Konsumatorëve thanë se kishin marrë 92 raporte të telefonave që mbinxeheshin ose merrnin flakë.