Nokia sjell telefonin e ri me jetëgjatësinë e baterisë prej 24 ditësh [video]

27 Shtator 2016 - 14:18      

Për të gjithë nostalgjikët dhe ata që nuk duan e nuk kanë luksin që të qëndrojnë me karikues me vete gjatë gjithë kohës, Nokia ofron një zgjidhje.

Nokia është ringjallur me një model të ri, Nokia 216, transmeton Koha.net. Nokia 216 ofron aplikacionin Facebook, një shfletues, baterinë me jetëgjatësi prej 24 ditësh vetëm në opsion Standby, 8 orë bisede dhe 47 orë audio

Gjithashtu, telefoni i ri përfshin lidhjen Bluetooth, ekranin 2.4-inç dhe kamerën prej 0.3 megapikselë.

Nokia 216 po ashtu vjen në version edhe me dy SIM kartela dhe do të jetë në dispozicion në tre ngjyra: të kaltër, të zezë dhe gri.

Për argëtim, telefoni i ri ka radion FM, MP3 dhe video dhe mund të ruaj deri në 2 mijë numra të kontakteve.

Nokia 216 vjen me shfletuesin Opera Mini dhe punon me platformën e Nokias, S30.

Telefoni i ri i Nokias, Nokia 216, pritet të fillojë shitjen në Indi nga 24 tetori i këtij viti me një çmim prej vetëm 37 dollarë.

Ende nuk është zbuluar nëse Nokia 216 do të jetë në dispozicion për shitje edhe në tregjet tjera të botës.

© KOHA