Tesla së shpejti zbulon produktin e ri - Kulmin solar me bateri të integruar

25 Shtator 2016 - 10:48      

Themeluesi dhe kreu i kompanisë së njohur Tesla, Elon Musk, përmes një postimi në Twitter ka paralajmëruar se kompania e tij do të zbulojë një produkt të ri në një ngjarje muajin e ardhshëm.

Ky është produkti i parë që i bën bashkë Teslan dhe kompaninë SolarCity edhe pse bashkëpunimi mes këtyre dy kompanive ende nuk është mbyllur zyrtarisht, transmeton Koha.net. Musk ka thënë se produkti i ri është një kulm solar i cili përmban një bateri të integruar, Powerwall 2.0, e lidhur me karikuesin e Teslas.

Tesla, muajin e kaluar ka paralajmëruar marrëveshjen prej 2.6 miliardë dollarë me SolarCity. Kompania ka thënë se kjo marrëveshje do të mundësojë që entiteti i kombinuar të bëhet “e vetmja kompani në botë vertikalisht e integruar me energji të qëndrueshme”.

Qëllimi i këtij bashkimi është që të zhvillojë plotësisht banimin e integruar, komercial si dhe produktet me rrjet të gjatë të cilat do të përdoren për gjenerim, ruajtje dhe shpërndarje të energjisë solare.

Musk nuk ka zbuluar më shumë detaje në lidhje me këtë produkt të ri, sepse, padyshim, hollësitë tjera i ruan për prezantim në ngjarjen e veçantë që do ta organizojë Tesla, transmeton Koha.net. Ajo çfarë dihet tani, është se Tesla do të zbulojë produktin e ri, kulmin solar, i cili ka një bateri të integruar dhe një karikues.

Këtë ngjarje të veçantë, Tesla do ta mbajë më 28 tetor në San Francisko Bay Area.

© KOHA

Aiming for Oct 28 unveil in SF Bay Area of new Tesla/SolarCity solar roof with integrated Powerwall 2.0 battery and Tesla charger.

— Elon Musk (@elonmusk) September 22, 2016