Microsoft ka lansuar një nga përditësimet më të mëdha të sigurisë gjatë këtij viti

14 Shtator 2016 - 18:26      

Microsoft ka lansuar një nga përditësimet më të mëdha të sigurisë gjatë këtij viti, duke rregulluar 50 dobësi në produktet e tij dhe 26 të tjerë në Flash player, të cilat lidhen me shfletuesin e tij Edge, transmeton koha.net.

Këto përditësime në siguri janë të ndara në 14 njësi, duke përfshirë 1 për Flash Player, ndërsa 7 nga përditësimet cilësohen si shumë kritike.

Dobësitë janë në Windows, Internet Explorer, Microsoft Edge, Microsoft Exchange, Microsoft Office dhe shërbimi i Microsoft Office në ueb dhe në aplikacion, transmeton koha.net.

Të gjithë që përdorin këto shërbime duhet t’i përditësojnë apo menjëherë, pasi nëpërmjet këtyre dobësive hakerët mund të mashtrojnë përdoruesit për të hyrë në ueb faqe të komprometuara, apo për të hapur në mënyrë specifike disa file me viruse.

© KOHA. Të gjitha të drejtat janë të rezervuara.