Për herë të parë një kompani private merr leje për të fluturuar në Hënë [video]

5 Gusht 2016 - 09:51      

Misioni i parë në botë privat për të shkuar në Hënë ka filluar, e që kjo mund të jetë fillimi i kolonizimit tonë të hapësirës, transmeton koha.net.

Qeveria e SHBA-së i ka dhënë leje një kompanie private nga Florida për të dërguar një anije kozmike jashtë orbitës së Tokës e deri në Hënë.

Kompania private Moon Express, shpreson që të dërgojë një makineri të madhësisë së makinës së larjes në hënë, për të eksploruar atë por jo me rrota por të fluturoj rreth saj.

“Pse të zvarritemi kur mund të fluturojmë”, thotë pronari i Moon Express, Bob Richards.

Moon Express shpreson që të dërgojë makinerinë e tij në Hënë gjatë vitit të ardhshëm, duke fluturuar nga Zelanda e Re me një raketë që ende nuk është testuar.

Ata shpresojnë që gradualisht të dërgojnë shumë më shumë gjëra atje lartë, duke bërë para nga marrja e burimeve natyrore në Hënë, si platini dhe shitja e tij.

© KOHA. Të gjitha të drejtat janë të rezervuara.