Së shpejti në shitje motoçikleta dikur më e shpejtë në botë me motor V8 [foto]

29 Janar 2017 - 14:55      

Shtëpia e ankandit Bonham’s së shpejti do të ofrojë në ankand, në Las Vegas, motoçikletën me motor V8.

Fjala është për motoçikletën e vitit 1971, EJ Potter Chevrolet V8 Widowmaker 7, i cili jo vetëm që ka huazuar shumë të teknologji nga bota e veturave, por ka huazuar edhe motorin e tyre.

Widowmaker 7 është punuar nga E.J. Potter, i cili gjatë viteve ’60-ta ka filluar procesin e vendosjes së motorit V8 të Chevroletit në një kornizë motoçiklete.

Motori i parë i cili është përdorur ishte me kapacitet prej 4,600 cc dhe me kohë janë zhvilluar dhe ndërtuar më shumë motorë të tillë, transmeton Koha.net. Motoçikleta të cilën e shohim në këto fotografi ka motor V8 me kapacitet prej 5,700 cc, cilindrat Brodix dhe sistemin e injektimit të karburantit, Hilborn.

Kjo motoçikletë ka pasur kapacitet edhe prej 500 kuajfuqi dhe në vitin 1973 ka hyrë në Librin e Guinnessit si motoçikleta më e shpejtë në botë.

Për herë të fundit kjo motoçikletë është vozitur në vitin 1999 dhe personi i fundit të cilën e ka vozitur ishte vet Potrrei. Ky entuziast i motoçikletave ka ndërruar jetë në vitin 2012.

Siç raporton Bonham’s, pritet që kjo motoçikletë të fillojë të shitet mes 60,800 deri 79,500 euro.

© KOHA