Motoçikleta që zëvendëson policët për siguri në trafik

15 Janar 2017 - 16:30      

Motoçikletë jashtëzakonisht e shpejtë, pa shofer, e që ndan gjoba trafikua 24 orë pandërprerë për shoferët që nuk respektojnë kufizimet e shpejtësisë, vetëm përmes aplikacioneve telefonike. Ky është plani i quajtur “Interceptor” që së shpejti mund të bëhet realitet.

“Është zhvillim normal i teknologjisë”, ka thënë inxhinieri kanadez Charles Bombardier, shkruan sot “Koha Ditore”. Kompania e tij “Imaginactive” është organizatë pa qëllime përfitimi që inspiron gjeneratën e re për të ëndërruar për automobilat e së ardhmes.

Bombardier vjen me ide duke shikuar produktet ekzistuese të përditshme.

“Kamerat e trafikut janë me ne tashmë shumë vjet. Por me avancimin e teknologjisë pa shoferë do të kemi zgjedhje të reja për nevojat bazike në sistemin tonë publik, duke përfshirë edhe sigurinë publike”, ka thënë ai për CNN.

Teksa patrullon, kjo motoçikletë do të skanojë targat e automobilave dhe do të incizojë e do të kapë shkelësit e ligjit përmes përdorimit të videove në kohë reale. Nëse incizohet një shkelje, motoçikleta e mençur do të njoftojë bazën automatikisht përmes e-mailit apo një mesazhi në telefon... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.