Ford duke u hetuar për dy modele të veturave për shkak të sigurisë

28 Dhjetor 2016 - 17:22      

Rregullatorët për siguri në SHBA janë duke hetuar dy modele të kompanisë së Ford, Fusion dhe Mercury Milan sedan të prodhuara nga viti 2007 deri 2009, për shkak se frenimi mund të dështoj në situata të caktuara, transmeton koha.net.

Deri tani janë bërë tre raporte që ndërlidhen me këtë problem, por nuk ka pasur lëndime, kanë thënë zyrtarët nga Administrata Kombëtare për Siguri në Trafik (NHTSA) dhe nga kompania e Ford.

Hetimi është hapur më 20 dhjetor dhe përfshin modelet më të njohura të Ford, atë Fusion dhe atë Milan i cili tani nuk është duke u prodhuar.
Raporti i publikuar në ueb faqen e NHTSA tregon se kur këta sedan kalojnë mbi sipërfaqe jo të sheshta apo në rrugë të rrëshqitshme, sistemi kundër-bllokim i frenimit mund të mos punojë mirë.
Kjo rrit distancën që kërkohet për të ndaluar veturat, duke shtuar mundësinë për aksidente.

© KOHA