Një “Ferrari” jashtë serie për 50 vjet prani në Japoni

14 Dhjetor 2016 - 08:35      

Çfarë mund të bësh për të festuar 50 vjet prani në një vend nëse je “Ferrari”? Nxjerr nga katalogët një model jashtë seri. Asgjë e vështirë?

Ashtu si ndodh me pikturat, në “National Art Center” në Tokio, për të festuar gjysmë shekulli prani në Japoni, shtëpia e Kalit prezantoi modelin J50. Në fakt është një veturë vetëm me dy vende, me motor qendror të pozicionuar mbrapa ndërsa tavani është i mundur të hiqet, duke sjellë shumë element stilistik të disa modeleve “Ferrari” të viteve 70 dhe 80.

Ideja është e repartit “Progetti Speciali” (Projekte të Veçanta), dizenjoja është e“Centro stile di Maranello” (Qendra Stili i Maranello-s), ndërsa motori është një V8 3.9 litra që çliron 690 kuaj fuqi i marrë nga modeli “488 Spider”, të gjitha këto i japin jetë modelit J50.

Në këtë model përmblidhet gjithçka është origjinale e “Ferrari”-t. J50 është një veturë shumë e ulët, e lehtë dhe e zhdërvjelltë sikurse vetëm një “Ferrari” di të jetë, transmeton atsh. Anësoret shumë dinamike, sipërfaqe të shkëlqyeshme si xham ndërsa janë shumë të detajuara elementet aerodinamikë.

Kjo veturë do të jetë për shumë pak persona. Një prodhim super i limituar, vetëm 10 ekzemplarë gjithsej, për sa i përket çmimit, ai do t’i komunikohet vetëm klientëve.