BMW planifikon model super-sportiv në bashkëpunim me McLaren

12 Nëntor 2016 - 21:30      

Përsëri raportohet se BMW është duke planifikuar një model të ri super-sportiv me motor të vendosur në mes, si dhe se këtë model do ta bëjë në bashkëpunim me kompaninë e njohur britanike McLaren.

Ky model me dy ulëse me siguri se do të ndërtohet nga fibra të karbonit, ndërsa sa i përket motorit, mund të vijë me motor Twin-Turbo V8.

Natyrisht, ky nuk është bashkëpunimi i parë në mes të këtyre dy prodhuesve prestigjioz, transmeton Koha.net. Është e mjaftueshme të kujtojmë modelin legjendar McLaren F1, të cilin e kanë ndërtuar këto dy prodhues.

Nëse të gjitha këto dalin të jenë të vërteta, kësi BMW-McLaren mund të shfaqet gjatë vitit 2019.

Pa marrë parasysh se ky njoftim tingëllon mjaft tërheqës, mbetet pyetja nëse do të ndodhë në të vërtetë së paku diçka nga i gjithë ky spekulim. Duhet të kujtojmë faktin se në vitin e kaluar BMW pati deklaruar se nuk asnjë plan apo projekt për një model super-sportiv në bashkëpunim me McLaren.

Gjithashtu, BMW edhe më parë pati pohuar se nuk ka nevojë për McLaren që të zhvillojë dhe prodhojë një veturë super-sportive.

Për fund, mbetet vetëm të shohim në të ardhmen se a do të ndodhë në të vërtetë një bashkëpunim i tillë ndërmjet këtyre dy prodhuesve të famshëm.

© KOHA