Mazda paralajmëron version të ri të konceptit pa çati e xham të përparmë [foto]

26 Tetor 2016 - 09:26      

Kompania Mazda vitin e kaluar në panairin e veturave të modifikuara SEMA, në Las Vegas, ndër të tjera ka prezantuar konceptin pa çati dhe xhamin e përparmë, MX-5 Speedster, në të cilin theksi ishte pesha e tij shumë e lehtë.

Në panairin e sivjetmë SEMA, Mazda paralajmëron version të ri të këtij koncepti, të cilit ia ka vënë emrin MX-5 Speedster Evolution.

Koncepti i ri MX-5 Speedster Evolution do të jetë edhe më i lehtë për dallim nga ai versioni i kaluar, do të vijë me ulëse dhe dyer nga fibra të karbonit, rrotat tetë-cepëshe me diametër prej 16-inç e me goma BF Goodrich, frenat Brembo, transmeton Koha.net, amortizatorët KW të modifikuar, difuzer të pasmë të ri, eksterier me ngjyrë të bardhë Ether si dhe interier prej lëkure Alcantara me ngjyrë të zezë.

MX-5 Speedster Evolution pritet të vijë me motor 2.0-litër SkyActiv-G.

Gjithashtu, Mazda për panairin e sivjetmë SEMA paralajmëron edhe konceptin MX-5 RF Kuro, i cili pritet të vijë me eksterier me ngjyrë mat, rrotat nga alumini me diametër prej 17-inç, si dhe me amortizatorët MX-5 Cup.

© KOHA