Veturat më të mira të vitit

18 Tetor 2016 - 10:06      

Consumer Reports, një organizatë jo qeveritare e cila merret me vlerësimin e produkteve të ndryshme, këtë vit në bashkëpunim me ekspertët e automobilizmit kanë kryer një hulumtim të tregut të veturave në SHBA.

Ata kanë krijuar një listë të veturave më të mira, të cilat disa prej tyre gjenden edhe në tregun europianë.

Në listën e ashtuquajtur Consumer Reports Top Picks përfshihen modelet e të gjitha segmenteve, transmeton Koha.net. Përzgjedhja e këtyre modeleve është bërë në bazë të rezultateve të testeve gjithëpërfshirëse, testit të sigurisë si dhe testit të përplasjes.

Consumer Reports këtë vit ka përzgjedhur 10 veturat më të mira, shtatë prej të cilave janë nga Japonia dhe një nga Korea. Dy të tjera janë nga Amerika dhe asnjë nga Europa.

Në vijim po ju paraqesim listën e veturave më të mira në Amerikë:

Vetura më e mirë e madhësisë së mesme: Toyota Camry

Vetura më e mirë e vogël: Honda Fit/Jazz

Vetura Compact më e mirë: Subaru Impreza

SUV më i mirë luksoz: Lexus RX

Vetura sportive më e mirë me çmim deri në 40 mijë dollarë: Mazda MX-5

SUV më i mirë i vogël: Subaru Forester

SUV më i mirë i madhësisë së mesme: Kia Sorento

Furgoni më i mirë: Toyota Sienna

Pick-up më i mirë: Ford F-150

Vetura më e mirë e madhe: Chevrolet Impala

© KOHA