Një Volkswagen Scirocco që do e dëshironin të gjithë [foto]

15 Tetor 2016 - 21:25      

Kompania kineze Aspec, e cila merret me modifikimin e veturave, përmes projektit të saj të fundit të quajtur Scirocco R Widebody Monster (paketa PPV430R) tregoi se si mund të modifikohet modeli Scirocco R i Volkswagenit.

Aspec, nuk është marrë vetëm me pamjen “agresive”, por edhe me përmirësimin e performancës së këtij modeli i cili tani motori i tij 2.0-litër Turbo është me kapacitet prej 430 kuajfuqi, transmeton Koha.net.

Ndër të tjera, te ky Scirocco R vërehet edhe paketa për aerodinamikën e tij e bërë nga fibra të karbonit, në të cilën përfshihen vrimat për ajër në pjesën e përparme, maska e përparme, vrimat për ajër në kapakun e motorit, spoiler i madh i pasmë mbi çati, difuzer i pasmë... Po ashtu, vëmendje të veçantë tek ky model tërheqin edhe mbrojtësit anësorë, set pragjesh si dhe rrotat Aspec MF75 nga alumini me diametër prej 19-inç.

Gjithashtu, Aspec për këtë Volkswagen Scirocco R ka zgjedhur edhe sistemin e shkarkimit të gazrave me katër tuba, frenat më të forta, disqet e frenave me ngjyrë të gjelbër, amortizatorët e modifikuar, si dhe interier të modifikuar.

© KOHA