Volkswagen nuk e ka plan të shesë asnjë nga markat e tij

7 Tetor 2016 - 11:02      

Volkswagen nuk është duke konsideruar shitjen e asnjë nga markat e tij për të përballuar koston e skandalit me emetimin e gazrave, tha kryetari i bordit të tij Hans Dieter Poetsch për të përditshmen gjermane Boersen-Zeitung, transmeton koha.net.

“Volkswagen Grup është financiarisht i fortë dhe ka shumë mundësi për financim”, tha Poetsch.

“Dhe kjo pa masa të jashtëzakonshme si rritje të kapitalit. Kjo gjë nuk është as duke u konsideruar tani për tani. Ne gjithashtu nuk jemi duke menduar që të shesim pjesë të markave tona”, shtoi ai.

Volkswagen ka lënë me një anë 17.8 miliardë euro për të paguar koston që ndërlidhet me skandalin global për mashtrimin me emetimin e gazrave, të njohur si Dieselgate, transmeton koha.net.

Kompania është duke u përballur me çështje gjyqësore civile e edhe gjoba të mundshme nga qeveritë e Bashkimit Evropian e edhe në tregjet tjera.
Poetsch thonë se ai nuk pret dispozita të tjera të nevojshme.

© KOHA