General Motors tërheq 4.3 milionë vetura

10 Shtator 2016 - 10:05      

Kompania General Motors ka njoftuar se do të tërheq afër 4.3 milionë vetura në të gjithë botën për shkak të një defekti softuerik, i cili mund të ndalojë hapjen e airbagëve gjatë aksidenteve, gjë që ka shkaktuar një vdekje dhe tre lëndime, transmeton koha.net.

Prodhuesi i tretë i veturave në botë ka bërë të ditur se sensorët dhe modulet diagnostike që kontrollojnë hapjen e airbagëve kanë një të metë në softuer, e cila në “rrethana të rralla” ndalon hapjen e airbagëve ballor, transmeton koha.net.

GM thonë se do të tërheqin kamionçina, vetura dhe SUV të prodhuara nga viti 2014-2017.

Tërheqja përfshinë modelet e reja si: Buick LaCrosse, Cheverolet Corvette, Silverado 1500, Cheverolet Tahoe, Suburban, Silverado HD dhe Cadillac Escalade.

© KOHA