Mercedesi zbulon furgonin e së ardhmes [foto]

7 Shtator 2016 - 23:00      

Mercedes ka zbuluar atë se si kompania mendon se do të duket e ardhmja e furgonëve, transmeton koha.net.

Koncepti Vision Van është zbuluar në kampusin e zbulimeve të Mercedesit në Stuttgart, gjë që shumë media mendoj se kështu do të duket gjenerata e ardhshme e Mercedes Sprinter.

Koncepti Vision Van është mjet elektrik komercial dhe është plotësisht i automatizuar e digjitalizuar.

Po ashtu ka një numër të madh të teknologjive të reja të bashkuara për të ndihmuar e revolucionarizuar shërbimet për dërgesa, transmeton koha.net.

Vision Van ka sistemin elektrik të vozitjes 75kW, ndërsa ka shpejtësinë maksimale deri 120 kilometra në orë, por është e limituar në 80 kilometra në orë.

Furgoni është i ndërtuar për të dërguar ngarkesat me shpejtësi në vendin e caktuar, ndërsa po ashtu ka edhe 2 dronë nga 2 kilogram secili, për të mundësuar dërgimin më të shpejtë e autonom.

Kjo paketë e teknologjisë është quajtur “asVANce” (e avancuar) dhe Mercedes do të mbështes këtë iniciativë 500 milionë euro gjatë 5 viteve të ardhshme.

Shefi i kamionëve të Mercedes-Benz, Volker Mornhinweg thotë: “Në vitin 2020 kamionçinat e Mercedesit do të duken shumë më ndryshe se sot për shkak të ndryshimeve që ne jemi duke i bërë në themelet e kompanisë”.

Ky koncept bën që furgoni të lëvizë një drejtim dhe të dërgojë pako deri në 20 kilogram me dronët autonom deri në 20 kilometra distancë, e pastaj të lokalizojnë atë në lëvizje e të kthehen.

Dronët pra mund të dërgojnë paketa deri në 20 kilogramë me shpejtësi deri në 60 kilometra në orë.

© KOHA