Policia anti-terror e Londrës do të përdorë motoçikletat BMW F800GS

5 Gusht 2016 - 14:15      

Si kundërpërgjigje ndaj sulmeve terroriste në Europë, një skuadër e oficerëve të armatosura do të patrullojnë me motoçikleta BMW F800 GS në rrugët e Londrës, transmeton koha.net.

Disa motoçiklistë me armë automatike janë duke u trajnuar për të reaguar shpejtë me motoçikleta, të cilat janë të afta për terrene të vështira rrugore që do t’i lejojnë policët që kalojnë trafikun e rënduar londinezë.

Policia Britanike edhe më parë e ka pasur rregulloren për të përdorur motoçikleta për të kaluar në mes të trafikut të rënduar, por sikurse shumica e forcave policore britanike kanë qenë të paarmatosur, transmeton koha.net.

“Nëse i shikoni sulmet terroriste në Paris dhe Belgjikë trafiku është një ndër problemet më të mëdha për t’iu përgjigjur shpejtë atyre nga forcat policore. Ne kemi qenë duke shikuar taktika të reja, dhe me motoçikleta ne kemi një mënyrë shumë më të shpejtë të reagimit”, ka thënë për SkyNews një oficer britanik.

© KOHA. Të gjitha të drejtat janë të rezervuara.