Mjekët përshkruajnë barna të caktuara për para

19 Korrik 2016 - 07:24      

Kompanitë farmaceutike që nga paslufta kanë realizuar fushatë në drejtim të mjekëve që punojnë në spitale publike.

Këto kompani kanë gjetur forma të ndryshme, përmes të cilave i kanë joshur mjekët me kushtin që t’i përshkruajnë barnat e këtyre kompanive, shkruan sot “Koha Ditore” në serinë e shkrimeve për bashkëpunimin e mjekëve me kompanitë farmaceutike.

Dukuria e ndërtimit të raporteve të bashkëpunimit ka qenë më e theksuar tek mjekët familjarë në shërbimin parësor, për t’u shtrirë më pas tek mjekët e spitaleve rajonale apo dhe në qendrën më të madhe spitalore në vend, QKUK.

Të joshur në mënyra të ndryshme nga kompanitë farmaceutike, këta mjekë dyshohet se i orientonin pacientët duke ua përshkruar në recetë emrin tregtar të ilaçit, emrin e kompanisë prodhuese, e në disa raste edhe ngjyrën e paketimit të barit.

Gazeta ka siguruar prova, përmes të cilave dëshmohet se një numër i madh i mjekëve kanë fituar para për të përshkruar barnat e kompanive të ndryshme farmaceutike. (Artikullin e plotë mund ta lexoni në numrin e sotëm të Kohës Ditore)

Nesër: Cilat kompani dyshohen se u kanë paguar ryshfet mjekëve për përshkrim të barnave? Çfarë thonë mjekët për paratë e pranuara? Pse në mënyrë të jashtëligjshme mjekët familjarë kanë përshkruar terapi të fushave specialistike? Cila qendër e mjekësisë familjare në Prishtinë ka në listën e pagave të kompanive farmaceutike 90 për qind të punëtorëve të saj?

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.