“Infrakosi” humb 4 milionë euro nga një kontratë

17 Prill 2014 - 06:34      

Një kontratë qiraje e lidhur me kompaninë “Konet” për një periudhë dhjetëvjeçare i siguronte ndërmarrjes publike që menaxhon me infrastrukturën e hekurudhave pagesë për shfrytëzimin e gypave mbrojtës të kabllos optike në shumën 6.947.352 euro, shkruan sot “Koha Ditore” .

Ndërkaq për shfrytëzimin e godinave teknike parashihej pagesë tjetër prej 849.341 eurosh. Deri tash “Infrakos” ka arkëtuar vetëm 165.118 euro, ndonëse ka shkuar gjysma e periudhës së realizimit të kontratës. Marrëdhënia kontraktuale nuk është shkëputur. Madje “Infrakos” ka tërhequr nga gjykata një kërkesë për përmbarimin e borxhit.

E gjitha është bërë me një marrëveshje me vlerë monetare. Por vetëm më pak se 2 përqindëshin e rreth 8 milionë eurove “Infrakosi” ka mundur ta arkëtonte nga kjo marrëdhënie kontraktuale që e kishte lidhur me kompaninë private “Konet”, që në 2008-n. (Detajet lexoni sot në Koha Ditore)

©Koha.net