Edhe në Tiranë sheshi “Nënë Tereza” kthehet në zonë pedonale

22 Tetor 2014 - 15:50      

Tiranë, 22 tetor - Ministrja e Kulturës, Mirela Kumbaro bëri të ditur sot vendimin më të fundit të qeverisë për kthimin e sheshit ‘Nënë Tereza” në një zonë pedonale çdo ditë, nga ora 19:00-24:00.

Sipas këtij vendimi do të ndalohet parkimi në të dyja anët e bulevardit “Dëshmorët e Kombit”, si dhe në sheshin “Nënë Tereza”, në mënyrë që kjo zonë të kthehet në një shëtitore për qytetarët në orët e mbrëmjes.

“Qeveria mori vendimin për uljen e qarkullimit në disa zona kryesore dhe kthimin e tyre në pedonale, duke ndaluar plotësisht parkimin e makinave në sheshin “Nënë Tereza” dhe gjithë bulevardin. Sheshi “Nënë Tereza” do të kthehet në pedonale nga ora 19:00-24:00. Ne vendosëm që të kufizohet qarkullimi i automjeteve të të gjitha kategorive në sheshin “Nënë Tereza”. Po ashtu, në 24 orë do të ndalohet parkimi në të dy anët e bulevardit, nga ura e Lanës në sheshin “Nënë Tereza”, sqaroi ministrja Kumbaro vendimin më të fundi të Këshillit të Mnistrave.

Ajo gjithashtu bëri me dije se ky urdhër i është komunikuar dhe Bashkisë së Tiranës, ndërsa theksoi se ky vendim do të zbatohet dhe për qytete të tjera me rëndësi për trashëgiminë kulturore.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...