“Pa kufi” mbledh 24 artistë në koloninë e Luginës së Preshevës

14 Gusht 2014 - 17:08      

“Pa kufi” është titulli nën të cilin po organizohet edicioni i parë i një kolonie artistike nën organizimin e Galerisë “Qahili”.

Objektivi kryesor i këtij projekti është promovimi i bashkëpunimit në mes të artistëve të trojeve ku jetojnë shqiptarët, njëkohësisht të fus artin në jetën e përditshme të qytetarëve si dhe integrimin e shoqërisë së luginës në pjesën tjetër shqiptare dhe më gjerë që mos të ndjehen të harruar.
Në këtë aktivitet kulturor marrin pjesë 24 artistë nga të gjitha trevat shqiptare, ndërsa me 22 gusht 2014, ne ora 17:00, ata do të paraqesin artin e krijuar në një ekspozitë që do të mbahet, përcjell koha.net.
Ky manifestim po mbahet me përkrahjen e Ministrisë së Diasporës.

© KOHA.net