Rock-grupi irakian që kërkon lirinë në SHBA

12 Shkurt 2017 - 21:03      

Bateristi i bendit “Acrassicauda”, Marwan Hussein, në Ambasadën e Irakut në New York po përpiqet të gjejë mënyrën sesi ta takojë të ëmën, pas urdhrit të presidentit Donald Trump, që ua ndaloi hyrjen në SHBA shtetasve të disa vendeve të Lindjes së Mesme.

Njësoj sikurse anëtarët e tjerë të bendit të tij, Hussein para nëntë vjetësh ka ardhur në ShBA si refugjat nga Bagdadi dhe prej vitit të kaluar është bërë shtetas amerikan, shkruan “Rolling Stone”, transmeton “Koha Ditore”. Ai ka qenë duke aplikuar në ambasadë për ta sjellë edhe nënën e tij në Amerikë, të cilën për herë të fundit e ka parë më 2011, por asaj i është mohuar një gjë e tillë.

“Tani duket sikur i gjithë rasti ka ngecur për shkak të çështjes së bllokimit”, thotë ai. “Aktualisht jam duke provuar të gjej një mënyrë se si ta sjell atë këtu dhe nëse e bëj, cilat do të jenë të drejtat e saj. Dhe po mundohem ta gjej nëse është e mundur ta shoh atë. Por e gjitha është veç spekulim. Asgjë nuk është e sigurt.

Të gjithë janë të shokuar”, thotë ai. Vendimi i Trumpit i ashtuquajtur “bllokimi i myslimanëve” është shndërruar në pikë kthese për Husseinin dhe anëtarët e bendit të tij. Në të kaluarën grupi muzikor - që doli në pah sidomos me dokumentarin “Heavy Metal in Baghdad” të vitit 2007 - ka luftuar të mbetet apolitik deri më tani.

“Tani nuk mund të ikim prej kësaj”, thotë Hussein. “Duhet të flasim për këtë...kjo është hera e parë në jetën time që po bëj një intervistë dhe po tregoj çfarë kam në mendje, sikur të isha duke folur me një mik”. Kur kishte dëgjuar për urdhrin e Trumpit, atij i qe dukur surreale. E kishte pyetur veten “A kemi rënë në kurth? Ku janë kamerat e fshehta?”

“Është qesharake”, thotë muzikanti që aktualisht ka ndjenja të përziera – midis veprimit të një burri dhe faktit se Amerika është vend për emigrantë... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...