SHHKA “Agimi” kundërshton dhënien me qira të sallës së saj

7 Shkurt 2017 - 08:42      

Në mjediset e ShKA “Agimi” të hënën në mbrëmje (06.02.2016) u mbajt Kuvendi i punës i anëtarëve aktivë të Shoqërisë Kulturore Artistike “Agimi”, njoftoi kjo shoqëri përmes një komunikate për medie.

Në Kuvend morën pjesë 35 anëtarët aktivë të sektorit të valleve, orkestrës dhe korit të ShKA “Agimi”, transmeton Koha.net.

Para anëtarëve të Kuvendit u raportua për zhvillimet e fundit në SHKA “Agimi”, duke kërkuar nga anëtarët aktiv të ShKA “Agimi” të deklarohen për hapat që duhet të merren me qëllim të vazhdimit normal të aktivitetit.

Me insistimin e anëtarëve pjesëmarrës në Kuvendin e punës të ShKA “Agimi”, për t’i mënjanuar të gjitha dilemat e mundshme u votua unanimisht që salla e SHKA “Agimit” të mos jepet me qira.

Në Kuvendin e punës anëtarët dolën edhe me këto propozime:
1. Që Kuvendi i punës të kthehet në Kuvend zgjedhor.
2. Që të mbahet edhe një mbledhje përgatitore përpara thirrjes së Kuvendit zgjedhor.

3. Që kryesia e ardhshme e zgjedhur në Kuvendin zgjedhor të ketë nga dy anëtarë të seksioneve të ShKA “Agimi”

Pas debatit konstruktiv, me vota unanime u vendos që të mërkurën, në orën 19 në lokalet e ShKA “Agimi” të mbahet edhe një takim i punës në të cilin do të do të ftohen të gjithë anëtarët e kryesisë aktuale të ShKA “Agimi” e zgjedhur nga Kuvendi i fundit zgjedhor dhe anëtarët aktivë të Shoqërisë Kulturore Artistike “Agimi”, në të cilën do të vendoset për datën e mbajtjes dhe përgatitjen sa më të mirë të Kuvendit zgjedhor.

Në Kuvendin e punës me vota unanime gjithashtu u votua rekomandimi për Kuvendin zgjedhor që në kryesinë e re të ShKA “Agimi” të gjitha seksionet të përfaqësohen me nga dy anëtarë, ndërsa pjesa tjetër e kryesisë (varësisht nga numrit që do ta ketë kryesia e ardhshme) të plotësohet nga anëtarët e Kuvendit zgjedhor.

Në këtë Kuvend të punës, edhe njëherë u konfirmua se ShKA “Agimi” është i hapur për të gjithë ata që kanë vullnetin që të angazhohen në aktivitetet e “Agimit”, por gjithashtu u konstatua se nuk do të lejohet që të përbaltet punë e anëtarëve aktiv të Shoqërisë Kulturore Artistike “Agimi”.

Gjithashtu Kuvendi i punës konstaton se përgjegjëse për të gjitha vendimet që merren për ShKA “Agimi” është Kuvendi i anëtarëve si organi më i lartë ekzekutiv dhe statuti. Prandaj çdo tentim për devijim nga statuti dhe është jo legjitim dhe i papranueshëm, përfundon komunikata e kësaj shoqate, e nënshkruar nga Xhemal Kabashi. 

© KOHA. Të gjitha të drejtat janë të rezervuara.