“La Traviata” ngjitet në skenën e Bullgarisë nga artistja shqiptare Besa Llugiqi

1 Shkurt 2017 - 10:04      

Violeta e “La Traviata” është ngjitur nëpërmjet artistes shqiptare Besa Llugiqi në Shtëpinë e Operës së Stara Zagora të Bullgarisë, dhe pikërisht performanca e sotme, ka shënuar edhe natën e fundit për këtë shfaqje që kishte pas premierën në muajin tetor të vitit të shkuar.

Lllugiqi ka ndarë emocionet me KultPlus, pikërisht në paraqitjen e fundit me këtë rol në Shtëpinë Shtetërore të Stara Zagorës, duke e kujtuar me shumë emocion, pasi që, pikërisht në këtë vend, ajo edhe debutoi rolin e Violetës, rol për të cilin ëndrrojnë shumë artiste.

“Jam shumë e lumtur që gjithçka shkoi mirë, një bashkëpunim i jashtëzakonshëm mes kolegëve, një ndjenjë e bukur ku gjithçka finalizohet me sukses”, ka thënë Llugiqi pas përfundimit të shfaqjes, duke e vlerësuar si një përvojë dhe një rrugëtim mjaftë të suksesshëm, për të shërbyer edhe në përvojat e saja të reja përgjatë karrierës.

Ajo në fund ka kujtuar “La Traviata”, po i lë vend “La Boheme”, pasi me këtë shfaqje do të ngjitet në skenë në muajin mars, po ashtu në shtetin e Bullgarisë.