Pianistja kosovare zë vendin e tretë në garën muzikore në Beograd

1 Shkurt 2017 - 09:08      

Prishtinë, 1 shkurt - Me interpretimin e pjesëve të kompozitorëve Haydn dhe Chopin dhe një komponimi të kompozitorit kosovar Kreshnik Aliçkaj, pianistja 14- vjeçare Enida Kavaja ka marrë çmimin e tretë në garën ndërkombëtare të muzikës, që mbahet në kryeqytetin serb.

Kavaja – e cila bashkë me Dren Himën dhe Bimi Millën përfaqësuan Kosovën në garën “Davorin Jenko” në Beograd – ka qenë pjesë e garës së kategorisë “B” për piano, në mesin e 39 konkurrentëve, shkruan sot “Koha Ditore”.

Nga edicioni i 14-të i garës që përfshin edhe kategori të tjera muzikore, pianistja e re kosovare – nxënëse e shkollë së muzikës.

Gara ndërkombëtare e muzikës “Davorin Jenko” organizohet nga shkolla shtetërore e muzikës që mban të njëjtin emër. Ka qenë e hapur për të gjithë kandidatët e moshave 7 deri 24-vjeçare.
Mes pjesëmarrësve ka pasur pianistë të rinj nga të gjitha vendet e ish-Jugosllavisë, sikurse edhe nga Austria, Rusia, Gjermania e Kanadaja... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.