Rama: Kadare, shkrimtari që ngriti gjuhën tonë në lartësira të panjohura

28 Janar 2017 - 23:04      

Kryeministri i Shqipërisë, Edi Rama përmes rubrikës së tij “Amarkord” i ka uruar ditëlindjen shkrimtarit të mirënjohur shqiptar, Ismail Kadare, ndërsa ka thënë se ai mbetet maja e penës shqiptare.

“Ismail Kadare, në 81 vjetrin e tij të lindjes, mbetet maja e penës së letërsisë shqipe, shkrimtari që e ngriti gjuhën tonë në lartësira të panjohura dhe mbresoi çdo lexues me forcën magnetike të talentit të tij letrar”, ka shkruar Rama, transmeton Koha.net.

Ai më tutje ka thënë se, “fjalët janë të tepërta në këtë episod të kësaj rubrike po mbase ia vlen pikërisht ky rast për t’u kujtuar edhe që pas një burri të shquar, siç thotë frengu Legouve, qëndron gjithmonë një grua e veçantë”.

“Gëzuar Ismail Kadare dhe u bëfshin 100 vitet e romanit të jashtëzakonshëm të jetës suaj krijuese”, ka përfunduar Rama.

© KOHA. Të gjitha të drejtat janë të rezervuara.