Kitaristi i grupit “Metallica” thërret për mbrojtjen e demokracisë

24 Janar 2017 - 11:05      

New York, 24 janar - Kitaristi i grupit “Metallica”, Kirk Hammett, i ka lutur adhuruesit e bendit të “mbrojnë demokracinë” dhe të “refuzojnë masakrimin amerikan”.

Këtë e ka bërë nëpërmjet rrjetit social Twitter si përgjigje ndaj fjalimit inaugurues të presidentit Donald Trump, shkruan rrolingstone.com transmeton sot “Koha Ditore”.

“Fjalimi i inaugurimit, në të cilin Trump na kërkoi që ta vëmë Amerikën në rend të parë, më tingëllon ngjashëm me atë që thuhej në fjalimet në Gjermaninë e viteve ’30…dhe më vonë në Rusi në vitet ‘40”, ka shkruar ai.

Hammett po ashtu e ka sulmuar premtimin që Trump e ka bërë gjatë fushatës dhe fjalët e fundit me të cilat e përmbylli fjalimin inaugurues “Bëjeni Amerikën të madhe përsëri”.

“Amerika asnjëherë s’ka pushuar së qeni e madhe. Amerika është një nga kombet më të pasura dhe më të begata në planet. Jam krenar me Amerikën”, ka shkruar Hammett në Twitter. “Të thuash që Amerika nuk është e madhe, e që ka mundësi të madhështisë, mundëson vënien e një skenari për manipulim dhe kontroll nga të tjerët - kini vëmendje njerëz” ... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.