Komuna inicion rrënimin e ish-Shtëpisë së Armatës në Mitrovicë

24 Janar 2017 - 08:56      

Prishtinë, 24 janar - Komuna e Mitrovicës synon që ta “fshijë” edhe një shenjë identifikuese të këtij qyteti.

Tashmë janë bërë disa hapa institucionalë për rrënimin e asaj që njihet si Shtëpia e Armatës. Iniciativa komunale është duke u kundërshtuar nga shoqëria civile dhe nga njëri prej institucioneve kryesore që shfrytëzon hapësirat e këtij objekti, shkruan sot “Koha Ditore”.

Ndërtesa ku zënë vend Muzeu i Qytetit, shkolla e muzikës “Tefta Tashko”, shoqata e të zhdukurve “Zëri i prindërve”, “Emergjenca” edhe zyra e gazetarëve të kësaj komune, është ndërtim i vitit 1959 dhe i takon periudhës së modernizmit arkitekturor në Kosovë.

Në ditën e 17-të të këtij muaji, Komiteti për Politikë dhe Financa i Komunës së Mitrovicës, sipas njoftimit zyrtar, ka miratuar edhe pikën e rendit të ditës ku propozohej ndërrimi i destinimit të pronës ku ndodhet objekti.

Në shtator të vitit të kaluar Muzeu i Mitrovicës kishte propozuar që ky objekt të futej nën mbrojtje të shtetit si aset i trashëgimisë kulturore. Por, një gjë e tillë nuk ishte bërë. Pjesë e propozimit kishte qenë edhe një përshkrim që i është bërë ndërtesës nga arkitekti Kujtim Elezi.

Për objektin e projektuar nga Enti projektues i Beogradit, që është nënshkruar në emër të Drag Haxhiipeshiq, Elezi ka shkruar se i përket modernizmit. Sipas tij, objekti është ndërtuar për nevoja ushtarake dhe si i tillë është shfrytëzuar nga JNA-ja përderisa pas luftës edhe nga forcat paqeruajtëse të KFOR-it francez, si dhe nga TMK-ja... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.