Mulliri i vetëm përballë Tabakhanes

15 Janar 2017 - 13:00      

I ftohti e ka ngrirë Lumëbardhin. Akulli u jep shkëlqim e ngjyrat përthyhen në gurët përgjatë shtratit të këtij lumi, që ndan në dysh qytetin e moçëm të Prizrenit. Njësoj ndodh edhe me jazin, kryesisht prej dheu, që sjell ujin në mullirin me nam të Prizrenit.

Maliq Gërmizaj e ka trashëguar nga gjyshi i tij mullirin. 64-vjeçari nuk e ndal punën për shkak të ftohtit, por nga mirësjellja e ndal ujin nëpër jaz sa për të ndalur zhurmën që shkaktojnë gurët e çakallja e mullirit, shkruan sot “Koha Ditore”. Kësisoj, krijon kushte për një muhabet që kthen pas kohën e kësaj tradite e flet për peshën që ka mulliri për Prizrenin e sotëm.

Në Lagjen e Tabakhanes, mbase më shumë se mulliri, famë ka pikërisht Tabakhania, objekti i së cilës është pothuajse i braktisur tashmë. Lëkura nuk përpunohet tash një kohë aty.

Derisa ndajnë oborrin, ani pse nuk kanë shumë lidhje për nga funksioni, Tabakhania dhe mulliri krijojnë një kompleks unik monumental në qytetin edhe ashtu me laramani të vlerave të trashëguara nga kultura materiale e shpirtërore... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.