Artisti i zemëruar i gjeneratës së pasluftës

2 Janar 2017 - 20:16      

Alban Ukajt nuk i kujtohet koha kur ka nisur të aktrojë. U regjistrua në Fakultetin e Arteve në Degën e aktrimit më 1999. Ishte në klasën e Faruk Begollit. Por për të ardhur deri te ky vendim, Ukaj nuk e kishte të lehtë. Thotë se vendimi që të merresh me art asnjëherë nuk ka qenë i lehtë e as që do të jetë i tillë.

“Pa marrë parasysh se ku jeton”, thotë aktori kosovar që tashmë ka bërë emër në skenën teatrore e filmike në Bosnjë-Hercegovinë, por edhe më gjerë, shkruan “Koha Ditore”. I takon gjeneratës së parë të studentëve të aktrimit të pasluftës në Kosovë. Konsideron se koha ishte intriguese, entuziazmi ishte më i madh dhe ndihej një lloj përgjegjësie.

“Ka qenë kohë e një lloj minirevolucioni seksual, muzikës elektronike, klubeve, drogave të ndryshme, të cilat nuk kanë ekzistuar më herët në Prishtinë”, thotë ai. Atëbotë e përshkruan si një shok jo vetëm kulturor. Gjendja thotë të ketë ndikuar edhe në art. Në disa raste, sipas tij, rrethanat e tilla kanë krijuar konfuzitet dhe ka pasur prej atyre që nuk i kanë përballuar. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar) 

© KOHA. Të gjitha të drejtat janë të rezervuara.