Rama përkujtoi 117 vjetorin e lindjes së Lasgush Poradecit

27 Dhjetor 2016 - 21:58      

Kryeministri i Shqipërisë, Edi Rama në rubrikën e tij në Facebook, Amarcord, ka përkujtuar 117 vjetorin e lindjes së shkrimtarit, Lasgush Poradeci.

Rama ka shkruar:
“117 vjet pasi erdhi në këtë botë së bashku me yllin e tij ndriçues, Lasgushi mbetet dëshmia e gjallë se të shprehurit e gjuhës shqipe, në meandrat e një letërsie shkruar “dashurimisht”, mund të arrijë në nivele hyjnore të parrokshme prej mendjeve të zakonshme dhe njëkohësisht të prekshme për të zakonshmit.

Si në një pikturë të famshme të William Blake, Lasgushi i madh shfaqet edhe sot si i “Moçmi i Kohërave” i cili e prek fjalën me pendën e tij të magjishme duke e kthyer në shkëndijën e një zjarri yjor”.